Willka kuti phaxsi qalltkipanw yatiqirinakax samart'añ qalltapxani

Imagen

Taqpach yatiqirinakaw samart'añ qalltapxani (Jamuqa: Llikat apsuta)

Willka kuti phaxsit 1 uru saraqkipanw yatiqirinakax samart’añ qalltapxani, janiw ukax jittayaskaniti, sasaw tata Roberto Aguilarax arsuwiyi, jupax Yatichañ Kamanarakiwa.

“Ukjaw yatichirinakamp yatiqirinakampix irnaqaskañatakik samart’añ yatipxi, juyphi pachamp chikaw samart’añ yatita. Aka marax willka kuti phaxsit 1 uru saraqkipanw markasanx samart’añ qalltatäni” sasaw jupa tata irpirix arsuwiyi.

Tunka pusin uruw samart’atäni, ukhamarus yaqhip chiqanx kunjamay thaychini ukhamarjamaw juk’amp urunakax samart’atarakïspa sasaw tata Aguilarax sawiyi.

Yatichirinakax lurañanak samart’äwitak apayan yatipki ukxatx “janiw qillqasak yatichkaspati. Janiw lurañax jan amuyt’asis mayitäkaspati. Jan armasiñatakikiw utjaspa, ukatw ullañatakik utjañap iwxt’apxtha” sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156