Jilïr Irpirimp Qucha Pampa FUL irpirinakampix yatiqirinakar yanapt'añatakiw tantachasiwiyapxi

Imagen

Yatiqirinakan irpirinakapampin Jilïr Irpirimpin tantachasipxatapa (Jamuqa: UCP)

Evo Morales Jilïr Irpirix jach’a yatiqañ utan yatiqirinakan irpirinakapampiw (FUL) Qucha Pampa jach’a markan tantachasiwiyi. Kunjams San Simón Jach’a Yatiqañ Utankirinakar (UMSS) yanapt’añatakix irnaqatäski ukxatw aruskipawiyapxi.

“Unidad de Proyectos Especiales (UPRE) ukankirinakax amtawiyapki ukax juk’at juk’at phuqhasiskiwa (…) Amtanakax irnaqañatak utjxaniwa” sasaw Juan Manuel Lópezax arsuwiyi, jupax yatiqirinakan mayni irpiriparakiwa.

UMSS ukan yatiqatanakax irptañ utanakampin qullqichañ utanakasampin irnaqañ qallapxaspa ukxats aruskipt’awiyatarakiwa sasaw jupa yatiqirix arst’wiyaraki.

 Markasax pä patak mara phuqhkan ukjatakix kunas luratäspa ukxatx amuyt’apxarakïwa sasaw Javier Choquejancox arsuwiyaraki, jupax yatiqirinakan irpiriparakikiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156