Marcelo Quiroga Santa Cruz yatiqañ utankirinakarux machaq utanak Sucren luqtawiyapxi

Imagen

Marcelo Quiroga Santa Cruz yatiqañ utankirinakarux machaq utanak luqtawiyapxi, uka yatiqañ utax Horno K’asa sutin chiqan jikxatasi, Sucre jach’a markana. Álvaro García Linera Sullka Irpirix ukham 16 machaq utanak jichhür luqtawiyaraki.

“16 machaq yatichañ utanakamp chhuxuñ utanakamp yant’añ utanakamp tantachasiñ utanakamp utachawiyata, phuqhat yatiqañ utawa. Sucrenx taqit suma yatiqañ utanak taypinkiwa” sasaw tata García Linerax arsuwiyi.

Jichhax taqi yatichirinakaw yatxatatäxapxi, yaqhipax yamas maestría, doctorado ukanïpxiwa sasaw jupa tata irpirix arsuwiyi. Ukhamatw markaspachanx yatiqäwix ch’amachata.

Sullka Irpirix yatitäk ukhamw yatiqirinakar iwxt’awiyi, janiw warminakar usuchañax utjañapäkiti sawiyiwa. Jan ukham lurapxañapatakiw kunayman amuyunakamp iwxt’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156