Marka irpirinakamp UPEA irpirinakampix yatiqirinakatak utachañ amtawiyapxi

Imagen

Rixt'at laphinaka (Jamuqa: Btv)

Marka irpirinakamp Altu Pata Jach’a Utankirinakampix (UPEA) yatiqirinakatan qhiparapxañapatak utanak lurañ amtawiyapxi ukhamarakiw qullañ utanakan yatiqirinakan yatiqañ tukuyapxañapatakisa.

Marka Irnaqäwinak Apnaqir Kamanampiw yatiqirinakatak utachañatak laphinak rixt’awyapxi. Uka utanakanx manq’añ utamp panka utamp ullañ utamp t’axsuñ utamp uñatatt’asiñ chiqamp wawa utamp ikiñ utanakampiw utjani. 300 yatiqiriw ukanx jakasipxani, jupanakar yanapt’añatakix kunjams jakasipxi ukxatw yatxatatäni.

Yaqha laphinakx K’umar Jakañ Kamanankirinakampiw rixt’awiyapxaraki. UPEAx jikxataski uka uraqin laphinakap q’umachañatakiwa, 3.000 m2 uraqiwa.

Yatiqirinakan marka qullañ utanakampin seguridad social qullañ utanakampin yatiqañ tukuyapxañapatakis amtawiyapxarakiwa. Ukham utjan ukax yatiqirinakax irnaqir qhiparxapxarakispawa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156