390 yatiqiriw luqtawiyapki uka machaq yatiqañ utanx yatiqt'apxani

Imagen

Jamuqa: UCP

Evo Morales Jilïr Irpirix San Simón I machaq yatiqañ utw Jamp’aturin luqtawiyi, Chukiyawu departamentona. Uka yatiqañ utanx 390 yatiqiriw yatiqt’apxani, wawanaka ukhamarak wayna tawaqunakasa. “Boliviax Mayjt’iwa, Evox Phuqhiwa” wakichäwimpiw utachayapxatayna.

Yatiqañ utax kimsa altus utaniwa. Yatichañ utanakamp, yänak lurañ utamp, atamir utamp, irptañ utanakamp, anatañ chiqampiw utji.

Yaqha yatichirinakaw irnaqañatak uka chiqankirinakatakix katuqatäni, yamakis wawanakampin wayna tawaqunakampin juk’amp sum yatiqapxañapatakix yänak lurañ utanakamp yant’añ utanakampiw lurayatäni sasaw sawiyapxi.

“Walja kutiw pachpak arstxa. Uraq phäñanak kutkatayasxtan ukatw ukham irnaqañax utjxi. Jichhax 10.000 irnaqataw Bolivia markpachan luqtañatak utji. Ukax janiw nayrax utjkänti. Yatiqañ utanakamp yaqha irnaqatanakamp luqtañatakix pachax pist’asiwa” sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156