Juancito Pinto Paylläwix markaspachan churañ qalltatäski

Imagen

Evo Morales Jilïr Irpirix Juancito Pinto Paylläw churañ qalltaski (Jamuqa: UCP)

Evo Morales Jilïr Irpirix Juancito Pinto Paylläw jichhürux Altu Patan churañ qalltawiyi. Aka marax 461 waranq waranq bolivianow payllañatakix utji.

“Aka marax 461 waranq waranq bolivianow utji (…) Aka qullqx qullqichir marka utanakasaw payllañatak churapxistu, kutkatayasit marka utanaka, nänakax irptkas uñstayawiyapktha ukanaka” sasaw tata Moralesax qhanancht’awiyi.

200 bolivianow Juancito Pinto Paylläwixa, khithinakati yatiqañ jan jaytjawiyapki jupanakaw ukx katuqapxi. Yatiqirinakan jan yatiqañ jaytjapxañapatakiw aka paylläwx uñstayawiyapxi. Uka amtax phuqhawiyatawa. Aka marax 52,2 waranq waranq yatiqiriw payllasipxani.

Palla pallanakaw yatiqirinakarux payllañ yatipxi. Yatiqirinakar payllañatakix palla pallanakax qaqilut lat’xatataw yaqhip kutix kunayman markar puriñ yatipxi jan ukax sikluta, kayuki.

Nayrïr qutun jikxatasipki uka yatiqir wawanakat suxtïr qutun yatiqapki uka wayna tawaqunakkamaw paylläwx katuqasipxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156