P'utuxsi jach'a markanx mä machaq yatiqañ utw luqtawiyapxi

Imagen

Yatichirinakatakix aka yatiqañ utax askirakiwa, jupanakax akham khust'at yänakamp utanakampix juk'amp sumw yatiqirinakar yanapt'apxarakispa sasaw mama Roxana Quispex arsuwiyi, jupax Litoral yatiqañ uta irpirirakiwa /Jamuqa: UCP

Evo Morales Jilïr Irpirix Litoral machaq yatiqañ utw P’utuxsi jach’a markan luqtawiyi, 5ïr Distritona. 10,6 waranq waranq bolivianompiw utachayapxatayna, “Boliviax Mayjt’askiwa, Evox Phuqhiwa” wakichäwimpiw qullq churapxatayna.

“Yatichasaw mä markax qhispiyasiña, yatichañaw jiltaña, yatichañaw machaq yänak uñstayaña, (William Cervantes) alcalde jilata, ukatw irnaqaskakiñäni” sasaw Jilïr Irpirix arsuwiyi.

34 yatichañ utamp irptañ utanakamp tantachasiñ utanakamp anatañ chiqamp chhuxuñ utanakamp física química yant’añ utanakamp k’ullu khithuñawjamp, lusa qhanat yatiqañawjamp makinanak askichañawjampiw utji, uka chiqanakanx yänakax utjarakiwa.

Wawanakar yatiqapxañapatakix Bolivianx yatichäwiw ch’amachaña, ukatw machaq yatiqañ utanak lurañatakix qullqix churatäni sasaw Jilïr Irpirix sawiyi.

“Kawkhanakanti wawanakax utjki uka chiqanakan juk’amp yatiqañ utanak luraskañatakikiw nayax irnaqañ muntha, jilata alcalde” sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156