Wawanakampin maxt'a q'axunakampin jan usuchjat uñstapxañapatakix, marka irpirinakan apnaqat qullqichir utanakax "Nayax wawanaklayku" wakichäw ch'amachasipki

Imagen

Evo Morales Jilïr Irpirix taqit suma yatiqañ utanakax wawanakatakïñapawa, ukhamaw jichhax luratäni sasaw sawiyi / Jamuqa: UCP

Mi Teleférico, Entel, Boa, Sabsa, YPFB, ANH ukankirinakax “Nayax wawanaklayku” wakichäw ch’amachañ qalltawiyapxi, uka wakichäwix wawanakampin maxt’a q’axunakampin jan usuchjat uñstapxañapatakiwa. Marka Jach’a Utanw jikisiwiyapxi, Evo Morales Jilïr Irpiriw jupanakar p’iqicht’awiyaraki.

“Wawanakampir maxt’a q’axunakampir uñjañatak arxatañatakix janiw kamachinakak munaskiti jan ukax jaqjam amuyasiñasaw munasi. Ukhamïpanx, jaqjam sarnaqañaw ch’ama” sasaw Jilïr Irpirix wawanakar arxatañxat arskasax sawiyi.

Tata Héctor Arcex arsuwiyarakiwa, jupax Taripäw Uñjir Kamanawa. Bolivianx 4,2 waranq waranq wawanakamp maxt’a q’axunakampiw utji, 40% markachirïpxiwa, ukatw marka irpirinakax jupanakar arxatañatak irnaqapxañaja sasaw arsuwiyi.

Jupanakax laphinak rixt’awiyapxi, ukampix irnaqirinakaparuw jan wawanakapar usuchapxañapatak amuyt’ayapxani ukhamarakiw markachirinakar yanapt’añatakis amtapxani, munaski ukhamarjam arxatañ wakichäwinak sarantayapxani, wawanakar sum uñjañ yatiyäwinak uñt’ayapxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156