Marka irpirinakax phisqha kutw usurmuktat yatiqirinakx jilxattayawiyapxi

Imagen

Usurmuktat yatiqirinakax yant?asisipkiwa (Jamuqa: Aruskipañ llikanakat apsuta)

2006 marat 2019 marakamax phisqha kutiw usurmuktat yatiqirinakax yatiqañ utanakan jilxattayawiyata sasaw tata Noel Aguirrex jichhür arsuwiyi, jupax yatichäw uñjir sullka kamanarakiwa.

“2006 maranx, 4.250 usurmuktat yatiqiriw yatiqañ utanakanx utjäna. 2019 maranx, 22.000 yatiqirit jilaw utjxi. Akham (usurmuktat) yatiqirinakax phisqha kutiw jilxattawiyi sasinx jank’akiw sissna” sasaw tata Aguirrex Arriba Bolivia waichäwin arsuwiyi.

Nayrax jupanakarux janiw yäqatakänti, Evo Morales Jilïr Irpiriw yatiqañ utanakan jupanakar katuqapxañapatakix amtawiyi sasaw tata Aguirrex qhanancht’awiyi.

Qharürux markachirinakar amuyt’ayañatakiw Yatichañ Kamana Utankirinakax mä jikthaptäw lurapxani, usurmuktat yatiqirinakan 10ïr thuqhüwipaw utjani.

“180 yatiqiriw 2:30 jayp’ut uksar Julio Borelli Viterito anatañ utankapxani, Chukiyawuna, sapa departamenton utjawayki ukan atipirinaka” sasaw sawiyi.

Taqi markachirinakaruw uka jikthaptäwir sarapxañapatak jawillt’awiyi, kunjams usurmuktatpachas taqi kun lursna ukw jupanakax uñjapxaspa sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156