Machaq yatiqañ utwa La Guardian luqtawiyapxi

Imagen

Evo Morales Jilïr Irpirix La Guardian arsuski (Jamuqa: UCP)

Evo Morales Jilïr Irpirix “Isaac Gutiérrez Cruz – C Basilio” sutin machaq yatiqañ utw wayna tawaqunakatak La Guardia markan luqtawiyi, Santa Cruzana. Ukanx 450 yatiqiriw yatiqt’apxani.

15 yatichañ utamp física yant’añ utamp química yant’añ utamp jakäw yatxatañ utamp k’añaskunak askichañ utamp jiru lip’thapiyañ utamp atamir utamp tantachasiñ utamp irptañ utanakamp chhuxuñ utampiw uka yatiqañ utanx utji, yamakis mä anatañ chiqas utjarakiwa.

“Aka machaq yatiqañ utx 7 waranq waranq bolivianompiw lurayapxtha”, “5 waranq waranq dolaraw La guardia jila kullakanakan mayitap phuqhañatakix utjaraki” sasaw Jilïr Irpirix arsuwiyi.

Walja wakichäwinakaw markachirinakar yanapt’añatak uñstayawiyata: Umaja, Qarpañaja, yaqhanakampi, jichhax Qhanaja wakichäwimpiw irnaqañ qalltatarakïni sasaw tata Moralesax arsuwiyi.

“Nayrax alcaldemp gobernadorampikiw qhantayañ utjañapatakix qullq churapxäna, ukhamarus jichhax marka irpirinakasaw 70% churapxani, qullqisaw jilxattaski ukata” sasaw jupa tata irpirix arsuwiyi.

Markachirinakax servicio básiconakanïñax markachirinakar arxataspan sasaw sartasiwiyapxi, uka amtax Mayacht’at Markanakan Tamapkamaw puriwiyi (ONU), ukanx jaysawiyapxarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156