Honduranx dengue usumpiw jan walt'asipki, 44 jiwataw utji

Imagen

Utanak jiq'ichsusipki (Jamuqa: teleSUR)

Honduranx jank’ak yanapt’añatakiw irnaqañ amtawiyapxtha, denguempiw walja markachirinakax usuntasipki, jichhakamax 44 jiwataw utji, 115 usutaw utjaraki, sasaw tata Juan Orlando Hernándezax arsuwiyi, jupaw uka markan Jilïr Irpiripaxa.

298 municipionw jank’ak yanapt’añatak irnaqatäni, 18 departamentona; uka chiqanakanw Aedes aegypti jañux utji, uka jañuw dengue laq’x apnaqaraki sasaw mama Alba Floresax arsuwiyi, jupax uka markan K’umar Jakañ Uñjir Kamanaparakiwa.

“Taqi marka irpirinakamp jan marka irpirinakampiw” usu q’ipkatir jañu tukjañatakix irnaqañäni sasaw jupa mama kamanax arsuwiyi.

Hernández Jilïr Irpiriw jank’ak yanapt’apxam sasin sapxitu, ukatw ukham irnaqasipktha sasaw sawiyi.

Aka marax, 5.332 markachiriw denguemp usuntat utjawiyi, wila saraqayir dengue usüki ukamp usuntatanaka, ukampix jaqix jiwaspawa, 10.074 usutaw uñt’atäki uka denguemp usuntatanakarakixa, ukhamw k’umar jakañ uñjir irpirinakax yatiyawiyapxi.

44 markachiriw uka usump jiwxapxi, 35 jiwataw uka usumpit jiwapx janich ukax yatxatañäski sasaw tata Gustavo Urbinax arsuwiyi, jupax usunakat yatxatirirakiwa.

Yatiqañ utanakampin yatiqañ utanak jak’anakampinx yatichirinakamp yatiqirinakamp yatiqirinakan tayka awkinakapampiw jañux jakki ukja chiqanak pichsupxani sasaw irpirinakax yatiyawiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156