5,8 ch'aman uraq khathatiw Taiwanan utjawiyi

Imagen

Taiwananx uraq khathatiw utjawiyi (Jamuqa: RT)

5,8 ch’aman uraq khathatiw jichhürux Taiwan uraqin utjawiyi, Chinana, ukhamw CGTN ukankirinakax yatiyawiyapxi.

09:46 UTC pachäkipanw uraq khathatix uñstawiyi, Taitung jach’a markat 55 km sarañana. 9 km uraq manqhatw khathatix uñstanitayna.

Estados Unidon Uraqit Yatxatir Utapankirinakax (USGS) 5,6 ch’amaniw uraq khathatixa, 10 km manqhatw uñstani sasarakiw yatiyawiyapxi.

Janiw yänakax jan walt’ayat uñstawaykiti, janiw jiwatanakax utjkiti sasaw Taiwan News ukankirinakax sawiyapxi. Janirakiw umaw qhallstani sasin sawiyapkiti./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156