Argentinax 202 mara phuqhaski

Imagen

Argentinan Ispañat yaqhaqtatapa (Jamuqa: teleSUR)

Jichhürux Argentinax 202 mara Españat yaqhaqtatap amtaski, willka kuti phaxsit 9 uru saraqkipanw urupaxa. 1853 maranw nayrïr Tayka Kamachx uka markan utt’ayawiyasipkatayna.

Tukumán Tantachäwi

1816 maran achuqa phaxsit 24 uru saraqkipanw 33 tantachasirix aruskipañ qalltawiyapxatayna, jupanakax Río de la Plata sutimp uñt’at uraqitäpxänwa. Tucumánanw jikthaptawiyapxatayna Buenos Aires ukankirinakakiw apnaqañ munapxi sasin sasipxatayna ukatw Tucumánan tantachasiñ amtawiyapxarakitayna.

21 kutwa phallayapxatayna, ukampiw yaqhaqhtatx yatiyapxatayna, mama Francisca Bazán de Lagunan utapan ukham lurapxatayna.

Álvarez Thomas jupax irptañ jaytjawiyapxataynawa, Antonio González Balcarce jupaw jupalantx mantawiyatayna, ukhamarus jaytjawayxarakikitaynawa. Ukhamïpanx, Juan Martín de Pueyrredón juparux llamayu phaxsit 03 uru saraqkipan utt’ayawiyapxatayna.

Kimsa phaxs chikatan tantachasitatx, tantachasirinakax Españat yaqhaqtatäxiwa sasaw sawiyapxatayna. Tata Francisco Narciso de Lapridaw tantachasirinakar jiskht’awiyatayna: ¿Mayacht’at jikxatasipki uka suyunakan Españat yaqhaqtat sarantañap munapxtati? Sasina. Ukankirinakax jisa sasaw taqin sapxatayna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156