Bolivia irpirinakamp Surinam irpirinakampix chikt'at irnaqañatakiw amtawiyapxi

Imagen

Bolivia irpirinakamp Surinam irpirinakampix laphinak chikt'at irnaqañatak rixt'awiyapxi (Jamuqa: Anqa Markanakamp Aruskipir Kamanan uñt?ayata)

Evo Morales, Bolivia irpirimp, Dési Bouterse, Surinam irpirimpix chikt’at irnaqañatakiw jichhürux laphinak rixt’awiyapxi. Bolivia irpirix uka markaruw puriwiyi, ukat ukham amtasiyapxaraki.

Paypach markar jan iyawsayasis mantañampitak paypach markan askipatak irnaqañampitw aruskipawiyapxi, yaqha amtanakas utjarakiwa.

“Rixt’awayktan uka amtanakax akat qhipar juk’amp irnaqañatakiwa, Awiya Yala markachirinakataki ukhamarak uraqpachan jakasirinakataki, juk’ampis kunayman pasaportenak jan visa ukamp iyawsxañataki” sasaw tata Moralesax arsuwiyi.

Tantachaskasax kuna jan walt’äwinakas Awiya Yalan utjaski ukxat kunw aruskipawiyapxtha sasaw qhanancht’awiyi.

“Jan yaqha markanakan apnaqata, yaqhaqtat markanakarux ñanqhachasipkistuwa, ukw amuyapxtha, ukhamarus markanakasax kankañap uñt’ayañatakiw sartasisipki, yäqayasiñatakix janiw atipjayasipkaniti” sasaw Bolivia irpirix arsuwiyi.

Pachamama jan q’añuchañxata, qhuyanakan irnaqañxata, yapuchañxata, umxata ukhamarak yaqhanakatw aruskipawiyapxtha, servicio básiconakax markachinakatak arxatatäñapawa sasaw tata Moralesax arsuwiyi.

Pachamama jan q’añuchañatakiw juk’ampis chikt’at irnaqatäni, Surinamaw uraqpachanx juk’amp ch’umi uraqini, ukhamanakan yanapt’asiñatakiw amtawiyata sasaw tata Boutersex arsuwiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156