Tata Moralesarux k'uchirt'äwinakampiw Surinam markat munasiñamp khithxapxi

Imagen

Surinamanx akham Evo Morales Jilïr Irpirirux khithxapxi (Jamuqa: BTV)

Evo Moreles Jilïr Irpirix Surinam markat sarxiwa. Jupax uka markan Dési Bouterse irpiripamp chikaw Johan Adolf Pengel sutin lata jamach’inak puriñawjar puriwiyi, Paramaribo jach’a markana.

Tata Moralesarux thuqht’asis k’uchirt’asaw khithxapxi ukhamarakiw Surinam irpirinakax munasiñamp uñjawiyapxi. Bolivian Marka Q’uchupampiw uka markx jaytjawayxi.

Jilïr Irpirix Moscú jach’a markaruw jichhax saraski. Ukanx tata Vladimir Putinampiw tantachasini, jupampix chikt’at irnaqañatakiw aruskipawiyani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156