Brasil Jach'a Taripañ Utankirinakax tata Lulax antutapxit sasin mayiwayki ukxat mayamp aruskipapxani

Imagen

Luiz Inacio Lula da Silva, Brasil nayra irpiri (Jamuqa: teleSUR)

Brasilanx, Jach’a Taripañ Utankirinakax tata Luiz Inacio Lula da Silvax antutapxit sasin mayiwayki ukjxatw mayamp aruskipapxani. Lava Jato jan walt’äwin yatxatirinakan jupa nayra irpirir mutuñ utar jist’antañatak jan walinak lurapkatayna uka yatisitatw ukham aruskipapxarakini.

Jach’a Taripañ Utankirinakax jichhüruw “habeas corpus” ukxat aruskipañ amtawiyapxi. Mä taripiriw (Gilmar Mendes) aruskipasiñapatak taripañ jaytjawiyi, ukat ukham lurapxarakini.

Tata Lularux paniniw jan antutañ munapkataynati, ukhamäkipanw tata Mendesax taripañ jaytjañ amtawiyatayna.

Lava Jato jan walt’äwxat jucha yatxatirinakampir Sergio Moro nayra taripirimpiruw jan wali taripapxatapat juch jaqusipki, jupanakaw aliqat tata Lularux mutuñ utar jist’antapxasmachatayna, jichhax tata Morox Jair Bolsonarompiw Taripäw Uñjir Kamanjam irnaqaskaraki.

The Intercept Brasil ukankirinakaw Lava Jato jan walt’äwx janiw wal apnaqawiyapkiti sasin yatiyawiyapxi, tata Lularux ukham jan wal apnaqasaw mutuñ utar jist’antawiyapxi, qullq jan wal apnaqawayktati, imaqasiwaytawa sasakiw mutuyañ amtawiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156