Kunjams 13 maranx tata Moralesax irnaqawiyi ukw tata Putinax jach'acht'awiyi, Boliviax khust'aniwa sawiyiwa

Imagen

Vladímir Putin, Rusia Jilïr Irpiri (Jamuqa: Anqa Markanakamp Aruskipir Kamanan uñt'ayata)

Vladímir Putin, Rusia Jilïr Irpirix kunjams Evo Morales Ayma irpirisax 13 maran irnaqawiyi ukw jichhürux jachacht’awiyi, jupax khuspin Bolivia markalaykux irnaqt’awiyi, Boliviax khust’aniwa, markachirinakan mayitap phuqhasaw ukham yäpar irptawiyi sawiyiwa.

“13 mara marka apnaqasax, tata Moralesax khuspin markaplaykux irnaqawiyi, ukaw kusisiyitu. Niyas kuna markans jan walt’äwinakax utjapiniwa, kunjamats utjakipiniwa, ukhamarus jupax markachirinakan mayitap ist’asaw markapx sum irpti, tantachasipxatajax kunaymantuqut yanapt’asiñatakiw askïni, ukhamäñap muntha” sawiyiwa.

Tata Moralesar Doctor Honoris Causa ukham Masïñ Rusia Jach’a Yatiqañ Utan suticht’awiyapki ukxats arsuwiyarakiwa, Jilïr Irpirisarux jallallt’awiyiwa, ukham luqtapxatapax Rusiampin Boliviampin jiltapxañapatak irnaqatapatw utjaraki sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156