Boliviamp Paraguayamp 84 mara jan ch'axwañ amtapxatap irpirinakax amtawiyapxi

Imagen

Mario Abdo, Paraguay irpirimp, Evo Morales, Bolivia irpirimpi (Jamuqa: UPC)

Evo Morales irpirisamp, Mario Abdo, Paraguay irpirimp yaqha irpirinakampix Boliviamp Paraguayamp 84 mara jan ch’axwañ amtapxatap jichhürux amtawiyapxi, jupanakax Chukiyawunw Murillo palasan panqar apnuqt’awiyapxi.

Anqa markankirinakaw paypach markarux ch’axwayawiyistu, ukhamarus kamisti ayllun jakasirinakax suman jakañ apnaqapki ukhamw suman jakañ amtas atipt’awaytan sasaw tata Moralesax arsuwiyi.

“Jichhax lusa qhana aljasisa, uraq manqhat apsut phäñanakamp qullqichäwimp yapuchäwimpiw sum apastan. Boliviamp Paraguayampix yatiqasiñatakjamaw mayacht’astan (…) Aka maranakan qullqichäw jiltayañasaw jichhax purinxi” sasaw Bolivia irpirix arsuwiyi.

Chaco ch’axwan awqasirinakarux markanakas mayacht’at sarantayasaw yäqsna, markanakas arxatapxatapax ukhamatakïñapawa sasaw tata Abdox arsuwiyi.

“Uka Jach’a Chaco uraqimpix Atlánticompir Pacíficompir puriñatak Boliviar ch’amachatäpan, siqitit thakhix utjpan, Paraguay jawiräm Paraná jawiräm tuyuñax utjpan, Busch uma laqxankir markax jach’aptayatäpan, juk’amp yänak utjañapatak qullqix utjpan” sasaw Paraguay irpirix arsuwiyi.

Ch’axwirinakat amtasitatx paypach markan irpirinakapaw Marka Jach’a Utan amtanakxat aruskipañatak tantachasisipki. Paraguay kamananakamp Bolivia kamananakampix 1ïr Tantachäwipankasipkiwa, ukat irpirinakax ukham irnaqasipkaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156