Morales Jilïr Irpirix Vienaruw sari, ukanx ONUn jan wali qullanak apnaqirinakar kutjayirinakan 62ïr tantachäwipankaniwa

Imagen

Morales Jilïr Irpirix Iwruparuw sari / Jamuqa: UCP

Evo Morales Jilïr Irpirix 7:30 arumirjäkipan Viena jach’a markar sarxi. Jupax ONUn jan wali qullanak apnaqirinakar kutjayirinakan 62ïr tantachäwipankaniwa.

Tata Moralesax janir uka jach’a markar sarkasax Chukiyawun irnaqawiyaskiwa, Altu Patatw jupax sarxi, ukhamw Bolivia TV ukanx yatiyata.

Tata Moralesax kunjams Bolivianx jan wali qullanak apnaqirinakarux kutjayata ukxatw uraqpach irpirinakar yatiyani, ukhamw tata Carlos Romerox wasür yatiyawiyi, jupax Marka Apnaqañ Kamanarakiwa.

Niyak uka tantachäw tukuyatatx, Jilïr Irpirix Greciaruw sarani. Ukanx Alexis Tsipras irpirimpiw tantachasini. Jupampix markanakasan juk’amp yanapt’asipxañapatakiw aruskipapxani ukhamarakiw Iwrupa markanakamp qullqichañxatsa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156