ONUDIx Boliviar qullqichäw "khust'at jiltayañapatak" yanapt'añ muniwa

Imagen

Jamuqa: Bolivia Anqa Markanakamp Aruskipañ Kamana

Bolivia irpirinakarux qullqichäw “khust’at jiltayapxañapatak” yanapt’apxiristwa, markachirinakan juk’amp sum jakasipxañapataki sasaw tata Li Yongax sawiyapxitu, jupax Organización de las Naciones Unidas para el Desarrollo Industrial (ONUDI) p’iqichiriwa sasaw tata Diego Paryx arsuwiyi.

Li Yong jupax Evo Morales Jilïr Irpirimp tantachaskasaw ukham Viena jach’a markan arsuwiyatayna, Austriana.

“ONUDI irpirix yanapt’apxirismaw sasaw jupar sawiyi, Bolivianx irnaqañ munaskakiwa, Boliviax khust’at jiltawiyi ukata, ukax markachirinakaruw juk’amp sum jakayaraki” sasaw tata Paryx arsuwiyi.

Tata Li Yongx nayrïr pä phaxsiw Boliviar puriwaytha, uraq yänak kutkatayasitax markx jiltayawiyiwa sasaw Jilïr Irpirirux sawiyi sasaw tata Paryx arsuwiyi.

“(Li Yong jupax) jiltatx uñjawiyiwa, anchhax Boliviax jiltaski uka, yänak kutkatayasitan Boliviar walt’ayatap uñjawiyi” sawiyiwa.

Qhipa 12 maranx, Boliviax uraq manqhat apsut phäñanak aljasax juk’amp qullq katuqawiyi, 2006 maran yänakax kutkatayasiwiyata sasaw mä qillqatx irpirinakax yatiyañatak uñt’ayawiyapxaraki.

2018 maranx yamakis yaqha markanakat sipans juk’ampw qullqichäw Boliviax jiltayawiyi, 4% ukjats juk’ampw qullqichäwipx jilxattayawiyi, 2019  maranx uka pachprak jiltawiyani.

Jichhax Bolivia yänak lurañ utanak luraski, jutir maranakax ukax juk’amp ch’amachasini, ukhamatw markachirinakatakix juk’amp qullqix utjani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156