Kimsa qhuya irnaqiriw Chilinx uraq manqhan jark'antat jikxatasipxi, Jilïr Irpirix llakt'ataw jikxatasi

Imagen

Chili irpirinakax qhuyan jark'antat jikxatasipki jupanakar qhispiyañatakiw irnaqayasipki (Jamuqa: Twitter)

Evo Morales Jilïr Irpirix tata Leonardo Condorimp (62 marani) tata Lenin Veizagamp (19 marani) tata Salomón Veizagamp (45 marani) San José de Tocopilla qhuyan uraq manqhan jark’antat jikxatasipxi ukatw llakt’at jikxatasi, jupanakax Bolivia markachirïpxiwa, Chilinw ukham utjawiyi, Antofagastana.

“Kimsa marka masiw San José de Tocopilla qhuyan jark’antat jikxatasipxi, Chilina, ukat llakt’at jikxatasipxtha. Jupanakar qhispiyañatak Chili irpirinakamp Sebastián Piñera Jilïr Irpirimp irnaqasipki ukatw pay suma sasin sañ munapxtha. Kunay munaschi ukatakix yanapt’apxiristwa” sasaw Twitteran irpirisax qillqt’awiyi.

Laq’aw wasür alliqtawiyatayna, ukatw jupanakax 70 m manqhan jichhax jikxatasipxi.

“Irnaqirinakasax uka chiqan yatxatasipkiwa, uksa irpirinakaruw (irnaqirinakar) qhispiyañatak yanapt’asipki” sasaw tata Baldo Prokuricax arsuwiyi, jupax Qhuyan Irnaqañ Kamanarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156