Mä Chili qhuya manqhan jark'antat jikxatasipki jupanakar qhispiyañatakiw Bolivia irpirinakax aruskipt'asipki

Imagen

Álvaro García Linera Sullka Irpirix yatiyirinakampiw Sucren aruskipt'aski (Jamuqa: Sullka Irpirin uñt?ayata)

Bolivia irpirinakax Chili irpirinakampiw San José Qhuya manqhan jark’antat jikxatasipki uka Bolivia markachirinakar qhispiyañatak aruskipt’asipktha, kunas yanapt’añ wakischi ukax yanapt’apxäwa, sasaw Álvaro García Linera Sullka Irpirix arsuwiyi. Tocopilla jach’a marka jak’anw qhuya irnaqirinakax ukham irnaqasipki, Chilina.

“Kimsa marka masisar qhispiyañatakix kunampis yanapt’apxiristwa. Kuna pachati ukhamaw utjawiyi sasin sapkitu ukjatpachw aruskipt’asipktha” sasaw jupa tata irpirix arsuwiyi.

Chilinx qhispiyañatakiw irnaqasipki, ukham yatiyapxitu, Bolivianx yanapt’apxita sasin sapxan ukj yanapt’añatakiw irnaqasipktha” sasaw jupax arsuwiyi.

“Kunay munaschi ukx apayapxiristwa, Chili irpirinakampiw aruskipt’aña, kunxay munaschi ukhamarjama” sasaw sawiyi.

Tata Diego Paryx ukxat Bolivia TV ukan arsuwiyarakiwa, Walter Villarroel Morochi, Calaman jikxataski uka irpirisax Tocopillaruw sari, jupaw chhijin puririnakar yanapt’añatak ukan irnaqaski sasaw sawiyi, jupax Anqa Markanakamp Aruskipir Kamanasarakiwa.

Tata Leonardo Condorimp (62 marani) tata Lenin Veizagamp (19 marani) tata Salomón Veizagampiw (45 marani) 70 m uraq manqhan wasürutpach allintat jikxatasipxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156