Morales Jilïr Irpirix Trump jupan Venezuelar palla pallanakamp mantañ munatap k'umiwiyi

Imagen

Morales Jilïr Irpirix, DonalD Trump, Estados Unidos irpirimpiw uñkatasiski, Mayacht'at Markanaka tama tantachäwinx palla pallanakamp Venezuelar mantañ munatap k'umiwiyi / Jamuqa: La Razón

Evo Morales Jilïr Irpirix kunjams Estados Unidos irpirinakax Venezuela markar palla pallanakamp mantañ munapxi ukw Twitteran k’umiwiyi. Donald Trumpan juchapäniwa, ch’axwañ, jiwayañ, jal walt’ayañakiw awqaskasax utji sasaw sawiyi.

“Venezuelar qullqichäwtuqut jan walt’ayatatx, Donald Trumpax palla pallanakamp (uka markar) mantañ munaski. Jan ch’axwañ utjañap munapxtha, jan ukax Trumpaw jiwatanak utjatapat ukhamarak jan walt’äw utjatapat juchanïni, ukakiw ch’axwanx utji” sasaw qillqt’awiyi.

Anqa markanakanx, Venezuelar palla pallanakamp mantañ munapki ukw yatiyasipki. Donald Trump jupax “taqi kunas lurañ amtatäskiwa” sasaw sawiyi.

Venezuelarux munañan markanakaw jan walt’ayawiyapxi, ukhamw Maduro Jilïr Irpirix yatiyawiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156