Chilinx taqin irnaqañ sayt'añäni sasaw sawiyapxi

Imagen

Qhuyan irnaqirinakamp lamar quta laqxan irnaqirinakampix Sebastián Piñertuq taqin sartasiñäni sasaw Chilinx taqinir irnaqañ sayt’añ mayiwiyapxi.

“Chilinx taqi qhuyañ irnaqañaw sayt’asiñapa” sasaw wasürux taqit jach’a qhuyan irnaqirinakax sawiyapxi.

Taqin jan sartasirinakar arknaqañ utjañapkam sartasiñäni. Palla pallanakax janiw thakhinakankapxañapäkiti. Piñera irpirirux atipjañasawa, irnaqirinakan mayitanakap iyawsayañawa, markachirinakana, wayna tawaqunakana, pensionaninakana, warminakana sasaw sartasiñatak jawillt’awiyapki ukanx saraki.

“Jichhax markasax jan walt’äwinakankiwa. Markachirinakaw sartasisipki; jan wali luratanakapata; jan kikipat uñjapxatapata; jan akat qhipar kunas utjan uk qhananchapxatapatw ukhama. Aka markan jakasiriraktanwa. Ukham sinti jan walinak utjapatatx janiw amukïksnati, janiw jan kuns lurksnati” sasaw qillqt’awiyapxatayna.

Janiw k’añaskunakat sarañ paylläw jilxattayawiyapxi ukatak ukhamäkiti, ukax sapür lurapkistu uk amuyasiñasatakikiw utjawiyi sasaw sawiyapxi.

Valparaison lamar quta laqxan irnaqirinakax tata Piñeran luratanakap k’umisipki, yaqha sartasir markachirinakaruw ch’amacht’apxan sapxiwa.

Lamar quta laqxan irnaqirinakax taqinit irnaqañ sayt’apxan janich ukw jaqipar jiskht’as amtapxani.

Wasärmax Chili irpirix sartasirinakatw jan walinak arsuwiyi, sartasirinakan mayitanakapatx janiw chiqpach arsuwaykiti, ukañkamax sartasirinakax juk’amp chiqanw uñstasipki, janiw jank’ak askichañax uka markan utjirjamäkiti./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156