7,3 ch'aman uraq khathatiw Indonesian utjawiyi

Imagen

7,3 ch’aman uraq khathatiw jichhürux Indonesian utjawiyi sasaw Estados Unidon uraqit yatxatirinakax (USGS) yatiyawiyapxi. Ambon wat’at 208 km sarañanw uka uraq khathatix uñstatayna, uka markan 11:53 arumirjäkipana. Banda sutin lamar qutakamaw uraq khathatix puriwiyi, Timor Oriental ukakam purki uka lamar qutaru.

Janiw umax Pacífico lamar qutat uraqir qallstkaniti, wali manqhanw uraqix khathatiwiyi ukata sasaw yatiyawiyapxi. Papúan 6,1 ch’aman uraq khathatiw utjawiyaraki, Indonesiakamaw ukax puriwiyaraki. 21 km manqhatw uka uraq khatahtix uñstanitayna, Abepura jach’a markat 240 km sarañanw uñstatayna, ukhamw USGS ukankirinakax yatiyawiyapxi.

Indonesianx 17.000 wat’aw utji, kimsa uraq jaljaw ukanx jikthapti ukatw ukhama (Indopacífica sutini, australiankiri, Iwrupankirimp Asiankiriampi), uka chiqanx walpin uraqx manqhatx phallaniñ yatiraki.

Mimarax, 7,5 ch’aman uraq khathatiw Palu sutin chiqan um qhallstayawiyi, Cébeles wat’ana, 2.200 jiwatat juk’ampiw utjawiyi, waljaniw chhaqharawiyapxaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156