Venezuelan sumäñat askichasiñapatak yanapt'apxam sasaw tata Moralesax Lima Tamankirinakar sawiyi

Imagen

Juan Guaidómp Estados Unidos irpirinakamp yaqha markanakankir irpirinakampix Venezuelarux juk'amp jan walt'ayatäni sasaw arsuwiyapxi / Jamuqa: Red Uno

Venezuelan aruskipas askichasiñ utjañapatak yanapt’apxam, aruskipt’asaw jan jiwirinakamp ch’axwanakampix utjkaspati sasaw Evo Morales Jilïr Irpirix Lima Tamankirinakar Twitteran arxayawiyi, uka tamankirinakax Bogotá jach’a markanw jichhürux tantachasisipki.

“Lima Tamankiri irpir masinaka: Mayj mayj lup’irïtanwa, uk yäqasa, markan ajllit irpirinakjamaw jumanakar mayiñ munapxsma, yäqasiñampi, aruskipas askichasiñapatak yanapt’apxam, ukaw jan jiwirinakamp ch’axwamp utjañapatakix wakiskiri” sasaw qillqt’awiyi.

Juan Guaidó, jupapach utt’ayasit irpirimp, Mike Pence, Estados Unidos Sullka Irpirimpiw Lima Tama tantachäwinkapxani. Jupanakax Venezuelan marka apnaqatxat aruskipapxani. Estados Unidot yanapt’aw utji sasin Venezuelar mantañ munawiyapki uk jan utjatapatw jichhax ukham jikisisipkaraki, palla pallanakampiw markajar mantaniñ munapxi sasaw tata Nicolás Madurox arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156