Tata Moralesamp tata Vizcarrampix Bolivia Kamananakampin Perú Kamananakampin 5ïr Tantachäwip qalltayawayxapxiwa

Imagen

Bolivia irpirimp Perú irpirimpix yanapirinakapamp chikaw tantachasisipki (Jamuqa: Bolivia Anqa Markanakamp Aruskipañ Kamanan uñt'ayata)

Evo Morales Jilïr Irpirimp Matín Vizcarra Jilïr Irpirimpix Bolivia Kamananakampin Perú Kamananakampin 5ïr Tantachäwip qalltayawayxapxiwa. Uka tantachäwinx markanakasan mayacht’at sarantapxañapatakiw amtapxani, pä lamar qutar purir siqitit thakhits aruskipapxarakiniwa.

Markanakasax mayacht’añawa, juk’ampis pä lamar qutar purir siqititimpiw mayacht’assna sasaw tantachäw qalltaykasax Bolivia irpirisax arsuwiyi.

“Machaq Qhapaq Ñanw utt’ayasktan, kamisti achachila awichanakasax jaytawaykistu ukhama. Markanakasax pä lamar qutar purir siqitit thakhimpiw mayacht’asipxaspa. Ilon mä jach’a lamar qutat puriñ chiqax utjaspa ukw muntha. Perú markatakix lamar qutar sarañax utjaspawa, ukhamarakiw Boliviatakis Brasilatakisa. Inas jiwasax jan ukham lurañ tukuykchiñäniti, ukhamarus Awiya Yalan aksan sum sarantañatakiw amtanak jaytawiyañäni” sasaw Jilïr Irpirix sawiyi.

Tata Vizcarrax kunjams markachirinakar jan wali jaqinakat arxatañampitak Pachamama jan q’añuchañampitak qullqichañampitak irnaqasiwiyatayna ukxat arsuwiyaraki, juk’ampis Titi Qaqa quta q’umachañxat arsuwiyi.

Bolivia irpirinakamp Perú irpirinakampix 13 amtamp irnaqañatakiw laphinak rixt’awiyapxani ukhamarakiw jilïr irpirinakax markanakas ch’amachir amtanakamp sarantañatak laphinak rixt’awiyapxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156