Morales Jilïr Irpirix Ilo jach'a markar Bolivia kamananakampin Perú kamananakampin 5ïr tantachäwipankañatak purxiwa

Imagen

Evo Morales Jilïr Irpirix Ilo jach'a markaruw puriski (Jamuqa: Bolivian Anqa Markanakamp Aruskipañ Kamanapan uñt'ayata)

Evo Morales Jilïr Irpirix 9:51 arumirjäkipanw Ilo jach’a markar puriwiyi, Moquegua uraqiru, Perú markaru. Ukanx Bolivia kamananakampin Perú kamananakampin 5ïr tantachäwipankaniwa. Perú markan irpirinakapaw juparux purkipan katuqt’awiyapxi.

Perú markarux Diego Pary, Anqa Markanakamp Aruskipir Kamanamp, Carlos Romero, Marka Apnaqañ Kamanamp, Javier Zavaleta, Marka Arxatir Kamanamp, Mariana Prado, Irnaqañ Amtanak Wakt’ayir Kamanamp, Alberto Sánchez, Uraq Phäñanak Apnaqir Kamanamp, Nélida Sifuentes, Qullqichäw Jiltayir Kamanamp, Óscar Coca, Marka Irnaqatanak Uñjir Kamanamp, César Navarro, Qhuyanak Uñjir Kamanamp, Héctor Arce, Taripäw Uñjir Kamanamp, Carlos Ortuño, Pachamama Arxatir Kamanamp, Juan Ramón Quintana, Jilïr Irpirir Yanapir Kamanamp kunaw puripxi.

Jichhürux pä Jilïr Irpiriw tantachasipxani, Perú kamananakampin Bolivia kamananakampin 5ïr tantachäwipaw qalltayatäni ukhamarakiw laphinak chikt’at irnaqañatak rixt’apxani, paychap Jilïr Irpiriw arsupxarakini./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156