Ilo jach'a markanw jichhürux Bolivia kamananakamp Perú kamananakampix 5ïr tantachäwipankapxani

Imagen

Martín Vizcarra, Perú Jilïr Irpirix Ilo jach'a markaruw puriski, Evo Morales Jilïr Irpirisaruw katuqani (Jamuqa: Bolivian Anqa Markanakamp Aruskipañ Kamanapan uñt'ayata)

Bolivia irpirinakamp Perú irpirinakampix ilo jach’a markanw jichhürux 5ïr tantachäwipankapxani, paypach markan askipatakiw uka tantachäwinx aruskipapxani. Ilo jach’a markax Moquegua uraqinw jikxatasi.

Paypach marka irpirinakaw wali arumirjatpach Ilo jach’a markar puripxi. Kamananakampiw akampix phisqha kut tantachasxapxani. Evo Morales Jilïr Irpirimp Martín Vizcarra Jilïr Irpirimpiw tantachäw irptapxani. Jupanakax wasür yanapirinakapax Moqueguan aruskipt’awiyapki ukw jichhax jaysapxani.

Pä lamar qutar purir siqitit thakhimpit Titi Qaqa quta jan q’añuchañampitw juk’ampis aruskipt’awiyata, ukw jichhürux laphinakar rixt’awiyapxani sasaw tata Diego Paryx arsuwiyi, jupax markasan Anqa Markanakamp Aruskipir Kamanaparakiwa.

Bolivia kamananakamp Perú kamananakampix Qusqunw (2015) nayraqat tantachasiwiyapxi, ukatatx Sucre jach’a markampin (2016) Lima jach’a markampin (2017), Cobijampinraki (2018)./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156