Venezuelarux janiw ch'amamp mantañax utjañapäkiti sasaw Lima Tamankirinakax sawiyapxi

Imagen

Tantachäwinx Juan Guaidó jupas jikxatasiwiyarakiwa / Jamuqa: América Economía

Evo Morales Jilïr Irpirix Lima Tamankirinakaruw Venezuelar jan ch’amamp mantañ utjañap amtapxatapat Twitteran jallallt’awiyi, Venezuela markachirinakpuraw aruskipt’asis askichasipxañapa sasaw mayamp sawiyi.

“Lima Tamankirinakaruw arunttha, jupanakax Venezuelar ch’amamp jan mantapxañapatakiw amtawiyapxi. Jan ch’axwir markanakätanwa, jakañ yäqañax markanakasatak wakiskiriwa. Sistwa, saskaktwa: aruskipasakiw askichasispa” sasaw qillqt’awiyi.

Lima Tamax wasüruw tantachasiwiyi, ukanx Venezuela markachirinakaw jupanakpur askichasipxañapa, jupanakaw jan ch’axwas markap apnaqasipxañapa sasaw sawiyapxi. Estados Unidos markankirinakaw uraq manqha phäñanak munas jan walt’ayasipki sasaw uka marka irpirinakax sawiyapxaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156