Panamá markax Costa Ricamp qurpaski ukjanx 6,3 uraq khathatiw utjawiyi

Imagen

Panamán utjawayki uka uraq khathati (Jamuqa: teleSUR)

Costa Ricamp Panamá markamp qurpasipki ukjanx mä 6,7 uraq khathatiw utjawiyi, sasaw Costa Rica Jach’a Yatiqañ Utan uraqit yatxatirinakax (RSN) yatiyawiyapxi.

Uka markan 11:23 arumäkipanw uraqix khathatiwiyi, ukhamw yatiyawiyapxi. Amuelles markat 11 km sarañanw uraq khathatix uñstawiyatayna, Panamána, 31 km manqhatw khathatiñ qallti sawiyapxiwa.

Nayraqat khathatitatx kimsa tunk kutimpiw khathatiwiyi, ukhamw Costa Rican uraq khathatit yatxatirinakax (PVSICORI) sawiyapxi, 5,1 ch’amampiw taqit ch’aman uraq khathatix uñstawiyi sawiyapxiwa.

Juan Carlos Varela, Panamá Jilïr Irpirix kuna jan walt’äwinakas uraq khathatimpix uñstawiyi ukw irpirinakax yatxatasipkaki, janiw ancha jan walinakax utjkiti sasaw sawiyi.

Janiw lamar qutatx umax jilarankaniti sasaw paychpach markankirinakax sawiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156