Chili markachirinakax khithinakati sartaskas jiwawiyapki jupanakat amtasisipki

Imagen

Chili markachirinakax irpirinakan markachirinakar jiwayapxatap k'umisipki (Jamuqa: @reneoyarzun)

Chilinx Sebastián Piñera Jilïr Irpirin qullqichäw amtanakaptuq markachañ amtanakaptuq sartasisipki. Walja waranq waranq markachirinakaw khithinakati sartaskas jiwat uñstawiyapki jupanakat amtasisipki.

“Jumalayku, jan sartasiñ atxapxi jupanaklayku” sasaw walja jaqix wasür La Moneda (Marka Apnaqañ Uta) uta jak’an sartaskas jiwawiyapki jupanakat amtasiñatak tantachasiwiyapxi.

Mä siman jilaw Chilinx sartasxasipki. 20 jiwataw utji, ukhamarus marka apnaqirinakax tunka paqallqunikiwa sawiyapxiwa. Phisqhaniruw irpirinakamp irnaqirinakax jiwayawiyapxi sasaw Marka Apnaqañ Kamanamp juchachasit yatxatirinakamp Instituto Nacional de Derechos Humanos de Chile (INDH) ukankirinakax yatiyawiyapxi. Yaqha pä jaqiruw k’añaskunakax sartasipkipan jiwayawiyapxi, yaqhanakax sartasipkipanw nina taypin jiwawiyapxi. Uka jan walt’äwinakxatx yatxatasiskiwa.

Jichhürux ONUt jaqi arxatäwinak arxatirinakax yatxatir puripxani, jupanakaw markachirinakar usuchjatanakampit t’aqhisiyatanakampit yatxatapxani, yamakis tata Pineratuq sartaskas jiwat uñstawiyapki ukxatw yatxatapxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156