Boliviamp Kirguistánamp irpirinak khithasipxañapatakiw amtawiyapxi

Imagen

Sacha Llorenti, Boliviat ONUr khithat irpirimp, Mirgul Moldoisaeva, Kirguistán markat khithat irpirimpi (Jamuqa: @SachaLlorenti Twitter chiqa)

Markasankirinakamp Kirguistán markankirinakampix irpirinak khithasiñ amtawiyapxtha sasaw tata Sacha Llorentix arsuwiyi, jupax Bolivia Markat Mayacht’at Markanak Tamar (ONU) khithat irpirirakiwa.

Yaqha markanakamp sum apasiñ amtasarjamaw irpirinak khithasiñatak Bolivia Markankirinakamp Kirguistán Markankirinakampix qillqat rixt’awiyapxtha” sasaw tata Llorentix Twitteran qillqt’awiyi.

Tata Llorentix mama Mirgul Moldoisaevamp jamuqsuyasitw uñt’ayawiyi, uka mamax Kirguistán markat ONUr khithat irpirirakiwa.

Kirguistan Markax Asia taypin jikxatasi, 5 waranq waranq jaqiniwa. Bishkek jach’a markaw irptañ markaxa, uka jach’a markanrak jilpach jaqix utji./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156