El Salvador markaruw machaq irpir utt'ayir uñjir saräxa sasaw tata Moralesax arsuwiyi

Imagen

Evo Morales Jilïr Irpirix anqa markaruw sarani (Jamuqa: RF)

Evo Morales Jilïr Irpirix El Salvador markaruw Nayib Bukele machaq irpirir utt’ayir uñjir saräxa sasaw jichhürux yatiyawiyi, qharüruw utt’ayapxani.

“El Salvador markan Anqa Markanakamp Aruskipir Kamanapaw jawillt’anipxitu. Uka markaruw @nayibbukele irpirir utt’ayapkani uk uñjir sarapxäxa, jupaw Awiya Yalpachanx taqit wayna irpirïni. Boliviamp El Salvadorampix mayacht’asisaw sum apasipxi” sasaw tata Moralesax Twitteran arsuwiyi.

Qharüruw Gerardo Barrios palasan 9:00 arumirjäkipan utt’ayañ qalltapxani, San Salvador jach’a markana. Tata Bukelex 37 maraniwa, markapanx jichhakamax taqit wayna irpirïniwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156