Warning: mysql_fetch_array() expects parameter 1 to be resource, boolean given in /opt/lampp/htdocs/aymara/index.php on line 37
Bolivia TV





Warning: mysql_fetch_array() expects parameter 1 to be resource, boolean given in /opt/lampp/htdocs/aymara/php/banner_superior.php on line 5

Yaqha Chiqanakar Uñacht’äw Puriyaña, Alañanaka

Yaqha Chiqanakar Uñacht’aw Puriyaña, Digitalar Tukuyañ Yänak Alaña

Nayra luratanaka

2007 maran taypi sata phaxsit 6 urunak saraqkipanx, Empresa Nacional de Televisión Boliviana – ENTB ukamp Fondo Nacional de Desarrollo Regional – FNDR ukampix 001/2007 jakhuni Qullqi Churañ Amtwa rixintawiyapxi; ukampisti "Desarrollo de las Telecomunicaciones y Tecnologías de la Información en Áreas de Interés Social" amtäwit jutir qullqinak ENTBr churañatakiw amtasiwiyi, "Yaqha Chiqanakar Uñacht’äw Puriyaña, Digitalar Tukuyañ Yänak Alaña ENTB” uka amtäw sarantayañataki.


Qullqinaka

Qullqi Churañ Amtarjamaxa, 2007 maran taypi sata phaxsit 19 urunaka saraqkipanx, ENTB ukarux 36.467.631 wakicht’ayat qullqimp 35.363.373.50 laqa apsuñ qullqimpiw churata; uka pachparakiw, 2007 maran lapaka phaxsit 15 urükipanx, ENTB ukarux 35.704.504 wakicht’ayat qullqimp 33.894.471.89 laqa apsuñ qullqimpiw churatarakïna; ukhamatxa, wakicht’ayat qullqix 72.172.135 ukjawa, laqa apsuñ qullqist 69.257.845.39 ukjarakiwa, taqpach tukjatäñapataki.

Jichhürunakasti, "YAQHA CHIQANAKAR UÑACHT’ÄW PURIYAÑA, DIGITALAR TUKUYAÑ YÄNAK ALAÑA - EMPRESA NACIONAL DE TELEVISIÓN BOLIVIANA" amtäwix 69.257.846,00 ukja wakicht’ayat qullqiniwa, ukast Fondo Nacional de Desarrollo Regional uksat churanitarakiwa.


Qullqi Churatanaka

Empresa Nacional de Televisión Boliviana ENTBx, amt’äw sarantayañ qalltkasax, suxta tunka (60) uñacht’ayat ch’iqiyirinak utt’ayañapänwa; jichhax ukxarux yaqhanakampwa yapt’ani (120), Bolivia uraqinkir kunayman ayllunakan uskuñataki, ukhamat aka chiqanakankir markachirinakan jakäwip askiptayasa.

Kamisti aka amtäwix 120 uñacht’ayat ch’iqiyirinak kunayman ayllunakan yapt’añ amtki ukampix, ukhamarak, jist’arat uxini k’ullk’u uxini digital yänak turkasax, 7ür Kanalax juk’amp ayllunakaruw purini, 703.024 ukjanit (khithinakati jichhax uñacht’ayat katuqapki jupanakatxa 30%) 1.379.736 ukja markachirinakaruw (amtäwimpix khithinakati katuqapkani jupanaka) puritäxani; Chukiyawu, Qucha Pampa, Santa Cruz jach’a markanakan ch’amani transmisoranakamp yatiyañ jach’a utanakamp turkasax, 1.640.388 ukjanit (khithinakati jichhax uñacht’ayat katuqapki jupanakatxa 70%) 3.973.801 ukjaniruw (amtäwimpix khithinakati katuqapkani jupanaka) jach’a markanakampin jach’a mark jak’anakampin puritäxarakini.

Ukatakix, amtäwix jist’arat uxinakamp k’ullk’u uxinakamp jaqsur yänakwa alañ amti, chanipasti $US 9.029.268,06 ukjarakiwa, akhamanakataki:


2010 maratakixa, "YAQHA CHIQANAKAR UÑACHT’ÄW PURIYAÑA, DIGITALAR TUKUYAÑ YÄNAK ALAÑA - EMPRESA NACIONAL DE TELEVISIÓN BOLIVIANA " amtäwix 29.579.625,57 ukja wakicht’ayat qullqiniwa.

  • Jichha mar qasäw phaxsinx, Seguros y Reaseguros Credinform International irnaqañ utampix amtäw juk’amp qhiph tukuyañatakiw aruskipt’atänxa, Kunayman Jan Walt’äwit amtäwin yänakapax jark’aqatäpxañapataki, 268.660,00 ukja qullqimpi, 2010 maran qasäwi phaxsit 6 urut qalltas 2011 maran qasäwi phaxsit 6 urükan ukjakam sarañapataki.
  • 2009 maran achuqa phaxsit 4 urunakäkipanx, 050/2009 jakhun Resolución Administrativaw apsutänxa, ukampix 1.142.496,20 (waranq waranq patak pusi tunk payan waranq pusi patak llätunk tunk suxtan 20/100) ukja qullqimpiw Pata Markan Uñacht’äw Ch’iqiyir Chiqa Amuyt’añatak Ukhamarak Lurt’añatak Chiqak Lurat Katuqäwix jaysatäna, SERVICON J&J ukankirinakaruw churawiyatänxa; turkañ amtanak ukhamarak nayrïr amt mayjt’ayat uñakipasax 775.186,35 (paqallq patak paqallq tunk phisqhan waranq patak kimsaqallq tunk suxtan 35/100) ukja qullqirakiw qhiparux churañ amtataxäna, saraksnawa. Jichhürkamax 80% ukjarakiw utax jiksutäxi ukhamarakiw lurir empresarux 55.885,12 (phisqha tunk phisqhan waranq kimsaqallq patak kimsaqallq tunk phisqhan 12/100) uka jilt’a qullqis churatäxi, kunjamti CITE: BTV/DPP/No. 27/2010 yatiyatax sisk ukhamarjama.
  • Licitación Pública lurasax, 120 uñacht’ayat ch’iqiyirinak uraqisan ayllunakapan uskuñatakiw, Empresa Boliviana DATEL S.R.L. ukar katuqatänxa. Jichhakamax, 120 uñacht’ayir utanakamp 107 ch’iqiyirinakampiw kunayman chiqanakan utt’ayatäxi, ukast INF. TEC. 07/09 Lurañ Yatinakamp Irnaqayañawjan apsut yatiyatapampin ukhamarak Empresa Boliviana DATEL S.R.L. jupanakan apsut chikat katuqayañ laphinakapampin uñstaraki, 2010 maran tukuyaskan ukïrinakatx 30.731,25 ukja qullqiw churañ jilt’askaraki:

2010 jallu qallta phaxsikamax, 120 amtäwirjam utt’ayañäk uka uñacht’äw ch’iqiyirinakatx tunka phisqhaniw (15) janir lurt’atäkiti; ukast janiw DATEL ukhamarak BOLIVIA TV jupanakax jan munapk, jan luräw uñjapk ukatäkiti, jan ukast mayjarakiwa; panpachan aruskipt’atpachas sapak aruskipt’atpachas, paypach irnaqañ utatakix jan askichkañ yaqhatuqut jutir jan qalt’äwinakaw utjawiyaraki, yaqhip yanapt’at ayllunakanx janiw yänak ch’amachirinaks utanaks churapkiti ukhamarakiw yänakax jan pachapar puriyanitäkiti. Akhamanakaw lurañax jilt’askaraki:


Janir uskut uñacht’äw ch’iqiyirinak utt’ayañatakix, 2010 marankir willka kuti phaxsipkamax, BOLIVIA TVx 6 yänakw churañapa (4 yatiyirinakamp 2 antenampi), DATEL uksankirinakax utt’ayapxañapataki, alcaldiampir ayllunakampir qhantayirimp uta uñjirimp utamp churapxañapatakis mayipxañataki.

Lurañ Yatinakamp Irnaqayañawjax 38 jan suma uskut uñacht’aw ch’iqiyirinak uñakipt’ani, iyawsat protocolonakanrakw ukanakax jan waljam yatiyataraki; mara t’aqa phaxsiw uk lurañ qalltañatak amtatäskaraki.

  • Irpirinakan apsut Qhanancht’ir Kamachirjamax, Empresa Estatal de Televisión "BOLIVIA TV" ukax jist’arat uxini yatiyañ yänak alañatakiw kunayman irnaqañ utanakar jawillt’awiyi. Jichhakamax, taqpachatakiw jaysat laphinakax churatäxi, walja mayit yänakaw katuqatäxaraki, yatiyañ yänak katuqañax jichha marankir mara t’aqa phaxsipkamaw tukuyañ munatäxaraki.

2010 maratakix, 29.579.626,03 (pä tunk waranq waranq phisqha patak paqallq tunk llätunkan waranq suxta patak pä tunk suxtan 03/100) ukja qullqiw wakicht’ayata, akham jalanuqatarjama:

UTT’AYÄWI: 526 EMPRESA ESTATAL DE TELEVISION "BOLIVIA TV"
APN. IRP.: 01 JILÏR IRPAÑA
LURIRI: 01 JILÏR IRPAÑA
WAKICHT’ÄWI: 11 UÑCH’UKIÑ UÑACHT’AYIR CHIQANAK JILTAYAÑA
WAKIYÄWI: 04 YAQHA CHIQANAKAR UÑACHT’ÄW PURIYAÑA, DIGITALAR TUKUYAÑ YÄNAK ALAÑA – ENTB
LURÄWI: 00 YAQHA CHIQANAKAR UÑACHT’ÄW PURIYAÑA, DIGITALAR TUKUYAÑ YÄNAK ALAÑA - ENTB
QULLQI MISTUÑA: 42 JALANUQAT QULLQI KATUQATANAKA
ORGANISMO: 230 TGN QULLQI KATUQATANAKA
SISIN JAKHU: 8620213900000

QULLQI JALJA QHANANCHT’ÄWI CHANI
22500 Chhijitak Churatanaka 270.788,00
25300 Jisk’a Payläwinakamp Qullqi Utan Tukjatanakampi 5.856,00
42230 Yaqha Luratanakamp Suyu Yänak Juk’amp Sumaptayatanakampi 947.734,29
43120 Atamirinaka 59.805,03
43500 Yatiyañ Yänaka 28.295.442,71
BENI TAQPACHA 29.579.626,03

"Yaqha Chiqanakar Uñacht’äw Puriyaña, Digitalar Tukuyañ Yatiyañ Yänak Alaña" wakiyäwin qullqipax 36.308.684,31 ukjaw 2008 maranx tukjawiyatäna; 2009 maranx, 5.808.477,68 ukja; jichha maran qasäwi phaxsit 19 urunakkamax 14.698.382,04 ukjaraki

-->