Parawayankirinakampix GLP, urea, lamar qutar puriña ukanakxat aruskipapxani

Imagen

Mario Abdo Benítez, Paraway irpiri / Jamuqa: El Nuevo Diario

Qharürux Mario Abdo Benítez Paraway irpiriw Boliviar purinini. Jupampix GLP aljaña, urea aljaña, phayañ saman apaña ukanakxat aruskipapxani. Yamakis pä lamar qutar purir siqititimpit Paraway jawirat Paraná jawirar tuyuñampit kun aruskipapxani.

“Walja amtanak laphinakan rixt’apxäxa. GLP aljañxata, urea aljañxata ukhamanakata; Boliviat Parawayaruw phäñ apañax luratäni. Wali wakiskir aruskipañanakawa. Paraway irpirirux jutatapat aruntt’tha” sasaw arsuwiyi.

Tata Moralesamp tata Abdompix pä lamar qutar purir siqititimpit Paraway jawirat Paraná jawirar tuyuñampit aruskipapxani

Pä lamar qutar purki uka siqititimpit Paraway jawirat Paraná jawirar tuyuñampit aruskipapxani sasaw mama Mariana Pradox arsuwiyi, jupax Marka Irnaqañanak amtir Kamanarakiwa.

"Wali wakiskiriwa, Parawayampix kunjams pä lamar qutar  purir siqititimp mayacht’assna ukxat aruskipapxtha ukhamarakiw jupanakampix Paraway jawirat Paraná jawirar tuyuñxat aruskipañ munapxtha” sasaw yatiyirinakar sawiyi.

Paraway irpirix qharüruw markasar purinini. Jupax Uru Uru phunchhäw uñjiriw 10:00 arumirjäkipan purini, ukanx tata Diego Parymp palla pallanakampiw jupar katuqt’apxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156