Tata García Linerax Pä Patak Mara Phuqhañ Amta wakt'ayañ tantachäw Chukiyawun qalltayawiyi

Imagen

Chukiyawunx Pä Patak Mara Phuqhañ Amta wakt'ayayasipki (Jamuqa: Sullka Irpirin uñt'ayata)

Álvaro García Linera Sullka Irpirix Pä Patak Mara Phuqhañ Amta wakt’ayañ tantachäw Chukiyawun qalltayawiyi, 2025 marakam phuqhañatak wakt’ayapkan uka. Sullka Irpirix markachirinakan p’iqichirinakaparuw kunti jichhakam marka irpirinakax lurawiyapki uk ch’amachapxañap mayiwiyi, ukhamatw markasan qullqichäwipax sum apnaqatäni sawiyiwa.

“Aka tantachäwin jan utjki uk phuqhachañäni. Kunati Chukiyawun jiltañapatak munaski ukxat aruskipañaw wakisi, Bolivian jiltañapatakis ukhamaraki. Kawkins qullqichañätan ukw amuyañasa, kunjams juk’amp qullqx utjaysna uks ukhamaraki, kunjams juk’amp qullqichir utanak utt’aysna, kunjams qullqichäw juk’amp ch’amaniptaysna ukanaka. Chukiyawunkirinakax janiw qhipt’apkasmati, markasanx ukaw kikipat uñjasiñ ch’amachi” sasaw jupa tata irpirix arsuwiyi.

Taqi markachirinakamp chik markasan mä jach’a amta utt’ayañax wakiskiriwa, nayrax anqa markankirinakakiw apnaqapxäna, janiw markachirinakarux jiskht’apkänti sasaw tata García Linerax sawiyi.

Kunanakas aka departamenton jiltañapatakix munasi ukaw amuyt’aña, suni uraqinw qullqichaña, ch’umi uraqinx uywachäwiw utjañaparaki sawiyiwa.

“Evo Morales Jilïr Irpirix Chinaruw aychaw aljasini sasaw sawiyi, janiw Santa Cruzampin Pandompin utjki ukax jikt’kaniti, Chukiyawu ch’umi uraqisanx uywachañax utjañapawa. Uywachañatakix uraqix utjistuwa” sasaw qhanancht’awiyi.

Sapa departamenton aruskipatax markaspachan p’iqichirinakapax jikthaptapkan ukanw aruskipañatak yatiyatäni./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156