Sullka Irpirix Comunidad Ciudadanan 10 waranq waranq dólar apnaqatap k'umiwiyi

Imagen

Álvaro García Linera Sullka Irpirix Chukiyawun arsuski (Jamuqa: BTV)

Álvaro García Linera Sullka Irpirix Comunidad Ciudadana (CC) taman 10 waranq waranq dólar apnaqatap jichhürux k’umiwiyi, taypi sata phaxsi chhijlläwitak apnaqapkan uka qullqxata.

Carlos Mesax 10 waranq waranq dólar jichhakamax qhathunak wakt’ayas manq’ aljas yaqhip markachirinakat katuqas apthapiwiyi sasaw Diego Ayox sawiyi, jupax Comunidad Ciudadanan yatiyiriparakiwa. Ukham ist’asaw Sullka Irpirix ukham arsuwiyaraki.

“¿Khithis 10 waranq waranq dólar manq’ aljas jalaqtayasispa? (…) Ukax jan wal amuykañawa ¿Ipjamt amuyxpachïstu? Uka qullqx yaqhatuqut apanipxpacha” sasaw jupa tata irpirix Chukiyawu markachirinakan p’iqichirinakap nayraqatan arsuwiyi.

Chhijlläwinx wali munañan jaqinakaw atipañ munasipki, jupanakarux Bolivia markan mayacht’asitapampiw atipañäni sasaw yamakis arsuwiyi.

“Jiwasax 10 waranq waranq apnaqirinakampiw yant’asiñäni (…) Bolivia markachirinakan amuyupamp jan wal katuqata” sasaw tata García Linerax sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156