Marka irpirinakax janiw ch'axwañas usuchjasiñas sartaskasax walïkiti sasaw sawiyapxi

Imagen

Sartasipki uka markachirinakax ch’axwañak munasipki ukxatw jichhürux tata Diego Paryx arsuwiyi, jupax yaqha Markanakamp Aruskipir Kamanasarakiwa.

“Nänakax ch’amamp ch’axwaña, Bolivia markachirinakpur usuchjasiñx k’umipxtwa. Jaqir usuchjir jakäwip jan walt’ayir luratanakx janiw utjañap munapktti, irpirinakar k’umirïpxpas Irpirinakat arxatasirïpxpasa” sasaw tata Paryx Bolivisiónankirinakamp aruskipt’kasax arsuwiyi.

Wasürux yaqhip jan wali markachirinakaw lawamp qalamp dinamitamp  jach’unakar Chukiyawun usuchjawiyapxi, ukatw tata Paryx ukham arsuwiyaraki. Ukham usuchjir markachirinakax chhijlläwin jakhthapin jan yäqañ munapkiti.

Marka irpirinakax janiw usuchjasiñ utjañapx ch’amachapkiti, janiw Bolivia markachirinakpur nuwasiñxa sasaw tata Paryx sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156