Tata Ayox janiw CC ukan arsuripäxäti sasaw sawiyi, pä qillqataw ukxatx uñstawiyaraki

Imagen

Diego Ayomp Carlos Mesampi (Jamuqa: Twitter)

Tata Diego Ayox janiw Comunidad Ciudadanan arsuripäxäti sasaw jichhürux sawiyi, ukhamarus pä qillqataw aruskipañ llikanakanx ukxat arsut uñstaraki.

Nayrïrinx, “jaytjañaw wakt’itu. Janiw jumamp sarnaqapki, markachirinakar jan jak’achasiñam munapki jupanakamp mayj lup’iñax utji ukatakxa jan ukax janiw k’arisiñ amuyunïktti ukata” sasaw sixa.

Tata Ayox jaytjaskapiniwa sasaw Carlos Mesax sawiyi, ukhamarus aruskipañ llikanakan apnaqapki uka qillqatax k’ariwa sasaw sawiyi.

Chiqpach qillqatanx “pantjasitaw Comunidad Ciudadanx jaytjayaskitu” sasaw sixa sasinw Mesax qhanancht’awiyaraki.

Tata Ayox CC ukanx 10 waranq waranq dólaraw chhijlläwin jaqüw mayiñatakix utjapxitu, uka qullq apthapiñatakix manq’ aljapxtha, yaqhipax qullq churapxarakituwa sasaw sawiyi. Ukham arsupanx juparux k’umiwiyapxiwa, ukatw jichhax irptañ jaytjawiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156