Jilïr Irpirix tata Raúl Castroruw 88 mara phaqhipan aruntt'awiyi

Imagen

Raúl Castro, Cuba nayra irpirimp, Evo Morales, Bolivia irpirimpi (Jamuqa: Cuba irpirinakan uñt'ayata)

Evo Morales Jilïr Irpirix tata Raúl Castroruw mara phuqhkipan aruntt’awiyi. Tata Castrox Cuba Jilïr Irpirirakïnwa, jupax pisin jakasirinakat arxatasiñ yaqha irpirinakar uñt’ayawiyi.

“Jilata Raúl Castroruw mara phuqhkipan aruntt’apxtha. Jupax wali khust’at irpiriwa, tata Fidelamp chikaw Cuba qhispiyañ p’iqicht’awiyi, markanakasax kunjams q’irwjir markanakar saykatapxaspa ukw yaticht’awiyi. Juk’amp maranak sartasiskañatakik jaksna” sasaw Jilïr Irpirix Twitteran arsuwiyi.

1931 maran mara t’aqa phaxsit 03 uru saraqkipanw tata Raúl Castrox Birán markan yuriwiyi, Cubana. Jupax uka markwa 2008 maran anata phaxsit 24 uru saraqkipan irptañ qalltawiyi, 2018 maran qasäwi phaxsit 18 uru saraqkipan tukuyawiyaraki, ukhamarus 2006 maratpach aliq ukhamak irptaskarakïna. Nayrïr phaxsix, Lenín sutin luqtäw jupar pisin jakasirinakat arxatasiñ yatitapat churawiyapxaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156