16 yaqha markat Boliviar khithanit irpiriw Morales Jilïr Irpirimp uñt'ayasiwiyapxi

Imagen

Mohamed Salem DahaLehbid, Saharaui markat khithanit irpiri (Jamuqa: UCP)

Evo Morales Jilïr Irpirix España, Gran Bretaña, Perú, Italia, Nigeria, Saharaui, Australia, Georgia, Chequia, Portugal, Austria, Dinamarca, Honduras, Tailandia, Qatar, Kuwait markanakat khithanit irpirinakaruw chhärminthix uñt’awiyi, jupanakax uñt’ayasiñ laphinakap irpirisar uñacht’ayawiyapxi.

16 markat khithanit irpirinakax Marka Jach’a Utanw tata Moralesamp tata Diego Parymp jikisiwiyapxi, tata Paryx Anqa Markanakamp Aruskipir Kamanasarakiwa.

Jupanakaw uñt’ayasiwiyapki uka irpirinakaxa: Emilio Pérez, Españata; Jeff Glekin, Gran Bretañata; Jorge Antonio Lázaro Geldres, Perú markata; Francesco Tafuri, Italiata; Christopher John Nonyelum Okeke, Nigeriata; Mohamed Salem DahaLehbid, Saharaui markata; Diana Elizabeth Nelson, Australiata; Irakli Kurashvili, Georgiata; Josef Hlobil, Chequia markata; Afonso Henriques Abreu de Azeredo Malheiro, Portugalata; Gerhad Zettl, Austriata; Mogens Pedersen, Dinamarcata; Jorge Alberto Milla Reyes, Hondurata; Kesanee Palanuwongse, Tailandiata; Ali Hamad Ali Mohamed Al Sulaiti, Qatarata, Nasser Riden Thamer Al – Motairi juparak Kuwait markata.

Yaqha markanakat khithanit irpirinakax Anqa Markanakamp Aruskipañ Kamana Utasanw jikthaptawiyapxi, ukatx Phichhantat Marka Apnaqañ Utaruw mantawiyapxi, ukanx palla pallanakan irpiripaw jupanakar katuqawiyi. Ukatatx Marka Jach’a Utaruw mantawiyapxi, ukanw Evo Morales Jilïr Irpirix jupanakar katuqt’awiyi. Boliviamp sum apasiñxat ukhamarak yanapt’asiñxatw jupamp jikiskasax aruskipt’awiyapxi.

Yaqha markanakan Jilïr Irpirinakapax mä qilqatw markasan Jilïr Irpiripar apayanipxi, ukampiw khithanipki uka irpirinakarux uñt’ayapxaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156