Chimorén walja jaqix jikthaptawayktan ukham Santa Cruzan jikthaptañäni sasaw tata Moralesax CONALCAMankirinar sawiyi

Imagen

Evo Morales Jilïr Irpirix CONALCAM irpirinakamp chikäskiwa (Jamuqa: BTV)

Evo Morales Jilïr Irpirix  Chimoré markan jikthaptawayktan ukham Santa Cruzan lakan phaxsit 02 uru saraqkipan jikthaptsna sasaw Coordinadora Nacional por el Cambio (CONALCAM) tamankirinakar sawiyi.

“Uñakipt’atatx, sarantaskañak amtawiyapxtha, Santa Cruzan Chimorén kipkak lakan phaxsit 02 uru saraqkipan walja jaqimp jikthaptañ munapxtha. CODELCAMamp yaqha marka tamanakamp yatxatatanakamp tantachasiñ suyasipktha” sasaw yatiyirinakar sawiyi.

Chimoré markan jikthaptat Jilïr Irpirix jach’acht’awiyi. Ukanx yatxatatanakamp markachirinakan irpirinakapamp walja markachirimpiw jikthaptawiyapxi, taqiniw qullqipamp puriwiyapxi.

Yapuchañ Mayjt’ayataw lakan phaxsit 02 uru saraqkipanx amtata, markachirinakax jikthaptañ yatipxi. Yapuchirinaka, qhuyan irnaqirinaka, yaqha chuqanakan irnaqirinaka ukhamaw jikthaptañ yatipxi.

Khithinakas kamach lurirjam ajlliyasiñatakix chhijlläwinkapxani ukxat aruskipañatakix aka phaxsiw 17 uru saraqkipan CONALCAMankirinakamp tantachasiñ qalltapxäxa, ukan amtatarjamaw taypi sata phaxsit 20 uru saraqkan ukjax chhijlläwinkapxäxa sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156