Jilïr Irpirix tata Salvador Allenden irpirijam mantkäna ukan 49 mara phuqhasitap amtawiyi

Imagen

Evo Morales Jilïr Irpirix tata Salvador Allendex Chili irpirjam mantkäna ukan 49 mara phuqhasitap jichhürux amtawiyi.

“49 maraw jilata Salvador Allendex Chili irptañ qalltawiyäna. Kimsa maraw Chili yänakx kutirayawiyi, markachirinakaruw qullqichatx puriyawiyi. 1973 maranw munañan jaqinakamp CIAnkirinakampix ch’amamp jaqsuwiyapxi; ukjatpachw walja jaqi jiwayiri, ch’amamp apnaqir irpirinakax apnaqawiyapxi” sasaw tata Moralesax Twitteran qillqt’awiyi.

1970 maran, lapaka phaxsit 11:00 arumirjäkipanw tata Allendex Chili irptañ qalltawiyäna, jupax 36,6% jaqüwimpiw chhijlläw sata qallta phaxsin atipawiyatayna, taypi sata phaxsin juparux kamachirinakax atipirjam iyawsawiyapxarakitayna.

Kimsa maranx, 4.400 yapuchañ uraqw markatak kutkatayawiyäna, 200.000 yapuchirinakaruw jach’a uraqininakat uraq aparas yanapawiyäna.

91 qullqichañ utwa jupax markapatak kutirayasiwiyäna, ukhamarus Estados Unidonkirinakax janiw ukham lurañapx munapkänti.

CIAnkirinakax taqi luratanakap Chili irpiritx yatxatawiyapxatayna, ukamp jupar jaqsuñataki, jichhakiw ukham lurapxatapax yatisiraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156