OEAt khithanit yatxatirinakax qillqatanak uñakipirinakamp kunaw jaqüwinak jakhthapitanak uñakipasipki

Imagen

Tata Diego Paryx El Pueblo es Noticia wakichäwin arsuski (Jamuqa: BTV)

Jaqüwinak jakhthapit uñakipañatakix, qillqatanak yatxatirinakamp kunaw Organización de Estados Americanos (OEA) ukat khithanit yatxatirinakax irnaqasipki, ukhamw tata Diego Paryx yatiyawiyi, jupax Yaqha Markanakamp Aruskipir Kamanasarakiwa.

“Qillqatanak yatxatirinakaw chiqapinit laphinak rixt’apki jupanakax actanak qillqantawiyapxi janicha ukanak uñakipañatak utji. Janiw ukat payachasiñatakix juk’amp luratanakax utjkiti. Taypi sata phaxsit 20 uru saraqkipan utjawayki ukxat uka yatxatäwix juk’amp sum yatiyistani” sasaw qhanancht’awiyi.

Actanakamp jakhthapitanakamp uñakipasipki, Jakhthapitanak jalanuqatamp jakhthapitanak apnaqatamp atamirin qillqantatamp uñakipasipki.

Alemania, Estados Unidos, Francia, Rusia markat khithanitanakaw uñakipir uñjasipki, yaqha 12 markat khithanitas Organización de Naciones Unidas (ONU) ukat khithanitas utjarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156