Tata Moralesax mä wakicht'ayat kamach 50 waranq Dignidad Paylläwir irxatañatak kamach luririnakar apayi

Imagen

Evo Morales, Bolivia Jilïr Irpiri (Jamuqa: BTV)

Evo Morales Jilïr Irpirix mä wakt’ayat kamach 50 waranq Dignidad Paylläwir irxatañatak kamach luririnakar apaytha sasaw jichhürux yatiyirinakar sawiyi.

“Jichhüruw Dignidad Paylläw irxatañ jaysapxtha. Mä wakt’ayat kamachw kamach luririnakar apayapxtha. Phaxsi tukuykamax kamach rixt’añ munxapxtha, jutir phaxsist 50 waranqamp jila kullakanakax payllasxapxaspa” sasaw sawiyi.

Nayrax neoliberal amtaninakax BONOSOLamp BOLIVIDAmp jilïr jaqinakar yänakas aljatamp payllañ yatipxäna, uka paylläwinakax chhaqhxirjamänwa. Jichhax uraq phäñanakas kutkatayasitatx payllañatakix qullqix utjxiwa sasaw tata Moralesax sawiyi.

“Jichhax 4.500 waranq jilïr jaqinakax sapa marax irxatatatx katuqasipxani. Jan qullqichir utanakan irnaqawiyapki jupanakatakiw aka paylläwixa” sasaw arsut phuqhacht’awiyi.

Bolivia markanx waranq waranqat jila chuyman jaqinakaruw Dignidad Paylläwix churata sasins qhanancht’awiyarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156