Tata Moralesax Tarija yatiyirinakaruw mä tantachasiñ uta luqtawiyi

Imagen

Yatiyirinakar tantachasiñ uta luqtkasa (Jamuqa: UCP)

Evo Morales Jilïr Irpirix mä machaq tantachasiñ utwa Tarija yatiyirinakar jichhürux luqtawiyi. 2,3 waranq waranq bolivianompiw utachayapxatayna, “Boliviax Mayjt’askiwa, Evo Phuqhiwa” wakichäwimpiw uka qullqx churapxatayna.

“Jichhürux mä sintikatu utwa Tarija yatiyirinakatak luqtasktan. Tata concejalax kunjams Boliviapachan walja tantachasiñ utanak utachawiyapxtha ukxatw arsuwiyi. Nayrax janiw ukhamx luraskaspänti, kamachinakan juchachatänwa. Ukham marka tamanakatak irnaqañax juchänwa” sawiyiwa.

Uka luqtat utanx yatiyirinakax irnaqapxaspawa ukhamarakiw p’iqichirinakapasa. Yamakis yatiyañatakiw jupanakax tantachasipxaspa ukhamarakiw ulaqanaks lurapxaspa.

Marka tamanakax irpirinakamp katjasirïpkaspas ukham neoliberal irpirinakax amuyapxäna, janiw qullqichañ amuy taypinx ukhamanakax utjkaspänti, ukham lup’ipxäna sasaw tata Moralesax arsuwiyi.

Yatiyirinakax kunati chiqäki uk markachirinakar yatiyapxam, jumanakax markasanx wali yäqkay irnaqäwinïpxtawa sasaw iwxt’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156