Mama Montañox irpirinakar k'umir jan wali jaqinakaw utaj t'unsuwiyapxi sasaw yatiyawiyi

Imagen

Julio Pereira Sánchez Bustamantew arknaqaskitu, utaj jan walt'ayañ muni sasaw mama Gabriela Montañox taypi sata phaxsit 30 uru saraqkipan sawiyäna (Jamuqa: BTV)

Wasärmax irpirinakar k’umir jan wali jaqinakaw mama Gabriela Montañon utap t’unsuwiyapxatayna, K’umar Jakañ Uñjir Kamanana.

“Jichhakiw nayax jan wali luratanak uñjawaytha, wasärmax irpirinakar k’umir jan wali jaqinakaw utajar saminachañamp warxatawiyapxi, qalanakamp jaqxawiyapxi, qhispillunak t’unsuwiyapxi, jan jupanakankki uka utw t’unsuwiyapxi, Julio Pereira Sánchez Bustamante” sasaw mama Montañox Twitteran qillqt’awiyi.

Ukham jan walinak lurañax irpirinakar jaqsuñatakiw amtata, irpirinakar k’umirinakaw irpirïñ munapxi, ukatw ukham lurasipki.

Erbol ukankirinakaw 16 ist’añ uñt’ayawiyapxi, ukanx kunjams irpirinakar k’umirinakamp nayra palla pallanakamp Estados Unidonkirinakampix mayacht’asisipki ukaw uñt’ayata.

Mama Montañox nayrïr urunakaw arknaqasipkituwa,  Gonzalo Sánchez de Lozadan sobrinopaw arknaqitu, Carlos Mesamp kamanat irnaqawayki jupan jilapa, jupaw WhatsApp tamanakanx utaj uñt’ayawiyatayna, mama Montañon u tapar sarapxam sasaw satayna.

“Tata Julio Sánchez Bustamanteruw kunas utjan ukax juchaniw säxa” sasaw Twitteran sawiyi.

“Irpirinakar k’umirinakar qhanpach sawiyä: Janiw tinkjayapkitaniti, janirakiw amukt’ayapkitaniti. Janiw arknaqkitan ukas ch’amamp sartasipxatapas atipkaniti. Markajarux muntwa, sartasiskakïwa, irnaqaskakïwa” sasaw mama Montañox sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156