Sullka irpirix k'umirinakaruw jan walt'äw sumäñat askichañatak jawillt'awiyi

Imagen

Álvaro García Linera Sullka Irpiri (Jamuqa: Llika)

Álvaro García Linera Sullka Irpirix Qucha Pampan markachirinakar usuchjawiyapki ukw k’umiwiyi. Irpirinakar k’umirinakaruw jaqüwinak uñakipañ tukuyapxañap suyt’añ mayiwiyi, Organización de Estados Americanos (OEA) ukankirinakax jan walt’äw askichañatak uñakipasipki uka.

“Tata (Carlos) Mesa, tata (Luis) Camacho jan usuchjasiñ ch’amachxapxamti, Tayka Kamachirjam markachirinakan apnaqasitaparjam OEAn uñakipapxañap iyawsapxma” sasaw yatiyirinakamp aruskipkasax sawiyi.

Qucha Pampan wasür yapuchir warminakar usuchjawiyapki jupanakax Bolivia pisin jakasirinakar jisk’achirinakawa sasaw sawiyi.

Tata García Linerax irpirinakar k’umirinakax k’ari jaqüwinakaw utji satapx chiqpach yatiyäwinakampiw ch’amacht’apxañapa, ukhamarus janiw ukham lurapkaspati, ukatw Evo Morales Jilïr Irpirir jaqsuñatak sartasisipki sasaw sawiyi.

“Uraqpacharuw chhijlläwin kunas utjawiyi ukw qhananchatäspa, ukhamat k’awi jaqüwinakax utjit janich uk yatiñataki. Jupanakax janwi k’ari jaqüwinak utjatx chiqpach yatiyapkaspati, ukatw ch’amamp sartasisipki”, sasaw qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156