Jaqüwinak uñakipañatak OEAt khithanitanakax jan usuchjasiñax utjpanti, jank'ak llamp'uchasiñax utjpan sawiyapxiwa

Imagen

OEA (Jamuqa: Llika)

Organización de los Estados Americanos (OEA) ukat Boliviar jaqüwinak uñakipañatak khithanitanakax jan usuchjasiñax utjpanti, yachip jach’a markanx ukhamaw utjawiyi, “jank’ak” llamp’uchasiñax utjpan sasaw sawiyapxi.

“Organización de Estados Americanot (OEA) uñakipañatak khithanitanakax usuchjasiñax utjki ukx walpin k’umipxtha, aka markan kunayman chiqan qhipa urunakax utjawayki uka, jank’ak llamp’uchasiñ utjañapatak iwxt’apxsma” sasaw OEAnkirinakax yatiyawiyapxi.

Markachirinakax jupanakpach markap apnaqasipki ukjax janiw usuchjasiñax utjañapäkiti, ukatw OEAT khithanitanakax taqi markachirinakampir p’iqichirinakapampir jaqukipäw tukuyañ suyt’apxañap mayiwiyapxi.

Llikan k’ari yatiyäwinak ch’iqiyasipki ukatx llakt’ataw jikxatasipxtha, jaqüwinak uñakipañ jan walt’ayañ munapxi ukhamarak uñakipirinakarusa sasaw sawiyapxi.

OEAt khithanitanakax jaqüwinak uñakipañ tukuyañkamaw irnaqapxani, taypi sata phaxsit 20 uru saraqkipan utjawayki uka chhijlläwin jaqutat yatxatapkañapkama, anchhax kunayman yatiyäwinakw katuqasipki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156